Соработка со
CITY College
СИТИ Колеџ, Европскиот кампус на Универзитетот Јорк е дел од заедницата на Универзитетот Јорк, водечка британска академска институција, член на престижната Russel група, светски признат по својата истражувачка работа и рангиран на 139тото место во светот според Times Higher Education 2023. Европскиот кампус преку СИТИ Колеџ е лоциран во Солун, Грција, а неговата академска мрежа е воспоставена и распространета во уште 8 земји низ целиот регион со што претставува уникатна меѓународна институција која ги поврзува академските, истражувачките, националните и корпоративните мрежи низ целиот регион. СИТИ Колеџ ги проширува можностите за студентска мобилност и за интернационализација и обезбедува можности за применето учење, со што целосно го менува студентското искуство нудејќи содржини кои го збогатуваат секој аспект од академскиот живот.
Сојуз на стопански комори
ССК е формиран во 2004 година како самостојна, независна, неполитичка и непрофитна организација во која се здружени осум грански стопански комори: Индустриска комора, Трговска комора, Услужна комора, Агро - бизнис комора, ИКТ комора, Туристичко - угостителска комора, Комора на сметководители и Градежна комора. ССК како клучен елемент во развојот на приватниот сектор претставува значаен фактор и двигател на економијата во Р. Македонија. Со број од преку 1.000 активни членки, ССК го ужива реномето и епитетот на независна, најнапредна и најперспективна бизнис асоцијација во Македонија.
Министерство за образование и наука
Академијата за менаџери е поддржана од страна на Министерството за образование и наука преку обезбедување на стипендии за студии на Академијата за менаџери. Оваа поддршка е изразена преку Меморандумот за соработка потпишан помеѓу Министерството за образование и наука, Сојузот на стопански комори и СИТИ Колеџ, Европски кампус на Универзитетот Јорк на 1 март 2012 година.
