Дипломците од Универзитетот Шефилд донираат и повикуваат и други да ја поддржат иницијативата

Македонските дипломци од Универзитетот Шефилд, се вклучуваат во глобалната хуманитарна иницијатива за организирање донаторски акции за обезбедување помош онаму каде што е најпотребно. За таа цел тие организираат донаторска акција за собирање средства за продолжување на лекувањето на Елена Смилеска.
Акцијата ќе виде организирана од 19ти до 22ри мај на четири локации низ Скопје, поточно во кафе бар Љубов, кафе бар Синдикат, Mr. Jack и бар и ресторан Форца. Во овој период на наведените локации ќе бидат поставени кутии за донации, каде секој граѓанин ќе може да ја поддржи акцијата и да донира за 13 годишната Елена Смилеска.
Елена во моментот води голема битка за себе и своето здравје и подлежи на посттрауматска рехабилитација која семејството само не може финансиски да си ја дозволи. Затоа потребно е помош и ангажман од сите хумани луѓе за заедно да и се помогне на Елена да ја победи оваа тешка битка.
Со акцијата за собирање средства за лекувањето на Елена, дипломците се приклучуваат и кон глобалното одбележување на 111 години од постоењето на Универзитетот Шефилд.

Повеќе за донаторската акција:
www.facebook.com
www.donacii.mk

 

Објави: